Gerard Piqué

Gerard Piqué

(2015, Qatar)
Nome orixinal	(ca) Gerard Piqué i Bernabeu
Biografía
Nacemento	2 de febreiro de 1987 (37 anos) Barcelona, España
Presidente Kosmos Holding
2017 –
Datos persoais
Residencia	Barcelona
Educación	Escola La Salle Bonanova Ashton-on-Mersey School
Altura	1,94 m
Peso	85 kg
Actividade
Ocupación	futbolista, empresario
Período de actividade	26 de outubro de 2004 - 5 de novembro de 2022
Nacionalidade deportiva	España
Deporte	fútbol
Liga	Premier League e Primeira División Española
Posición de xogo	Defensa
Traxectoria   Deporte base 1997–2004 FC Barcelona 2004–2006 Manchester United FC   Equipo 2004–2008   Manchester United FC (defensa) 12 (0) 2006–2007 → cesión:    Real Zaragoza 22 (2) 2008–2022   FC Barcelona (defensa) 397 (29)   Selección nacional 2002–2003   España sub-16 7 (2) 2004–2019   Cataluña (defensa) 10 (0) 2004–2004   España sub-17 8 (3) 2006–2006   España sub-19 8 (3) 2006–2008   España sub-21 12 (1) 2007–2007   España sub-20 5 (1) 2009–2018   España 102 (5)
Participou en
2018	Mundial de Fútbol Rusia 2018
2016	Eurocopa de Fútbol Francia 2016
2014	Mundial de Fútbol Brasil 2014
2012	Eurocopa de Fútbol Polonia/Ucraína 2012
2010	Mundial de Fútbol Suráfrica 2010
2009	Copa Confederacións Suráfrica 2009
Familia
Parella	Clara Chia Martí (2022–) Shakira (2010–2022)
Fillos	Milan Piqué Mebarak  () Shakira Sasha Piqué Mebarak  () Shakira
Nai	Montserrat Bernabeu
Premios
(2012)  Equipo do ano da UEFA (2011)  Equipo do ano da UEFA (2010)  Equipo do ano da UEFA (2009)  Premio Don Balón  Medalla de Ouro da Real Orde do Mérito Deportivo
Páxina web	gerardpique.com

Gerard Piqué i Bernabéu, nado en Barcelona o 2 de febreiro de 1987, é un futbolista catalán que xoga como defensa no Fútbol Club Barcelona. Foi o terceiro futbolista, tras Marcel Desailly e Paulo Sousa, en lograr gañar a Liga de Campións da UEFA dous anos seguidos con dous equipos diferentes, no 2008 co Manchester United e no 2009 co Barcelona.

Tamén xoga na selección de fútbol de España, coa que gañou a Copa Mundial de Fútbol en 2010 e a Eurocopa de 2012, dous dos tres títulos do triplete conseguido pola selección entre 2008 e 2012, inédito na historia do fútbol.

Traxectoria

Primeiros anos

Xogou en todas as categorías inferiores do FC Barcelona, con todo asinou o seu primeiro contrato profesional co Manchester United un dos clubs do fútbol profesional inglés onde se puido formar como profesional.

Manchester United

Debutou co primeiro equipo do Manchester United en outubro de 2004 substituíndo a John O'Shea na vitoria do equipo red por 0-3 ante o Crewe Alexandra, na terceira rolda da Carling Cup,

Asinou o seu segundo contrato cos ingleses en febreiro de 2005, logo de ter varias boas actuacións no equipo reserva do equipo de Manchester. O seu debut como titular no primeiro equipo chegou o 26 de marzo de 2006, nun partido de Premier League ante o West Ham United.

Real Zaragoza

No verán de 2006, o Manchester United e o Real Zaragoza chegaron a un acordo para a cesión do xogador por unha tempada. Xogou 22 encontros de titular co equipo zaragozano, formando no centro da defensa xunto ao arxentino Gabriel Milito. Tamén actuou na posición de mediocentro defensivo con solvencia. Finalizan na 6ª posición clasificándose así para disputar a Copa da UEFA.

Volta ao Manchester United

O Manchester anunciou en maio de 2007 que Piqué volvería á entidade inglesa tras a súa boa tempada en España. Piqué entrou a formar parte do primeiro equipo. Marcou o seu primeiro gol na Liga de Campións da UEFA o 7 de novembro de 2007, ante o Dynamo de Kíiv de Ucraína na fase de grupos. Volveu marcar en devandita competición o 12 de decembro, fronte ao AS Roma. Esa tempada conseguiu o título da Premier League co Manchester United e tamén a Liga de Campións da UEFA da tempada.

FC Barcelona

O 27 de maio de 2008, Piqué asinou un contrato de 4 anos co FC Barcelona cunha cláusula de 50 millóns de euros. Da man do técnico Pep Guardiola, Piqué converteuse nun dos activos máis importantes para a defensa "azulgrana". O equipo catalán asinou unha primeira volta histórica, conseguindo 50 puntos.

O 2 de maio de 2009 anotou o sexto gol na goleada por 2-6 que o FC Barcelona conseguiu fronte ao Real Madrid no Estadio Santiago Bernabéu.

O 13 de maio de 2009 foi titular na final onde o seu equipo proclamouse campión da Copa do Rei, partido que venceu o club blaugrana por 1-4 enfrontándose ao Athletic Club de Bilbao. O 16 de maio de 2009, gañou o seu primeiro título de Primeira División de España, ao perder o Real Madrid por 3-2 fronte ao Villarreal CF, sendo campión matematicamente o FC Barcelona.

Esa mesma tempada, o 27 de maio de 2009 formaría parte do once titular do FC Barcelona que disputou a final da Liga de Campións da UEFA, precisamente contra o seu exequipo, o Manchester United, no Estadio Olímpico de Roma. O FC Barcelona venceu por 2-0, conseguindo así Piqué a súa segunda UEFA Champions League consecutiva grazas aos goles de Eto'o e o arxentino Messi.

O 26 de febreiro de 2010, Gerard Piqué renovou o seu contrato co FC Barcelona ata 2015 cunha cláusula de rescisión de 200 millóns de euros.

Internacional

Foi internacional en 14 ocasións coa selección de España. Debutou, como titular, o 11 de febreiro de 2009 nun partido amigable ante Inglaterra no Ramón Sánchez Pizjuán, Sevilla. O 28 de marzo de 2009, no seu segundo partido internacional, no Estadio Santiago Bernabéu ante Turquía, anotou o seu primeiro gol coa camiseta de a vermella.

O 11 de xullo de 2010 xogou a final do Mundial de Fútbol Suráfrica 2010, proclamándose campión. Gerard Piqué, Iker Casillas e Joan Capdevila foron os únicos xogadores da selección española que disputaron todos os partidos do Mundial.

Tamén xogou en 3 ocasións coa Selección de fútbol de Cataluña, aínda que sen marcar ningún gol. A última ocasión foi o 22 de decembro de 2009 contra a Selección Arxentina de fútbol onde gañaron 4-2 baixo as ordes de Johann Cruyff.

Clubs

Actualizado o 15 de maio de 2010

Club	País	Ano	Partidos	Goles
Manchester United	Inglaterra	2004 - 2006	3	0
Real Zaragoza	España	2006 - 2007	28	3
Manchester United	Inglaterra	2007 - 2008	12	2
FC Barcelona	España	2008 - presente	87	7

Palmarés

Campionatos nacionais

Título	Club	País	Ano
League Cup	Manchester United	Inglaterra	2006
Community Shield	Manchester United	Inglaterra	2007
Premier League	Manchester United	Inglaterra	2008
Copa do Rei	FC Barcelona	España	2009
Liga de España	FC Barcelona	España	2009
Supercopa de España	FC Barcelona	España	2009
Liga de España	FC Barcelona	España	2010
Liga de España	FC Barcelona	España	2011
Copa do Rei	FC Barcelona	España	2012
Liga de España	FC Barcelona	España	2013

Campionatos internacionais

Título	Club	País	Ano
Campionato de Europa Sub-19	Selección sub-19	España	2006
Liga de Campións da UEFA	Manchester United	Inglaterra	2008
Liga de Campións da UEFA	FC Barcelona	España	2009
Supercopa de Europa	FC Barcelona	España	2009
Copa Mundial de Clubs da FIFA	FC Barcelona	Abu Dabi	2009
Copa Mundial de Fútbol	Selección española	Suráfrica	2010

Distincións Individuais

• Premio Don Balón ao xogador revelación da Liga 2008-2009.

Vida privada

O pai de Piqué, Joan é avogado e a súa nai Montserrat é directora dun hospital. O seu avó, Amador Bernabéu, foi vicepresidente do FC Barcelona.

Véxase tamén

Ligazóns externas

• Ficha de Piqué na Web Oficial do FC Barcelona (en castelán).
• Entrevista a Piqué en El País, 5 de maio de 2009 (en castelán),